حلم برئ

طبعا كنت احب انى اشوف مشاركات الاعضاء الاول
بس قلت ابدأ
ويارب تكون عجبتكم

حلم برئ
*******

ولأمتى هنفضل نحلم
والحلم علينا بعيد
خايفين نتمادى ونندم
والدمع ف عينا يزيد
أيامنا تملى حزينة
مافيهاش أفراح تواسينا
مجاريح ومفيش بإيدينا
غير حلم برئ ووحيد

قاسيه الدنيا وأيامها
واخدانا ف موج أوهامها
نحايلها تعاكس فينا
نرضيها بتيجى علينا
توعدنا بألفين وعد
بعدين ترجع ف كلامها

جوانا أهات بتموت
وعيون مليانه سكوت
فيه حاجة عاشقة إن أحنا
نفضل عايشين ف جراحنا
وإن يوم الفرح ندانا
بتحوش جوانا الصوت

شكرا يااسر وبجد مش عارف اشكر ذوقك ازاى
سواء عن كلامك عليا او عن تامر على
الملحن الجميل المبدع اللى بجد مش واخد حقه
واهلا بيك معانا فى المنتدى
منور يانجم