لازمته إيه ( الجزاير )

مش واحد ولا اتنين ولا تلاته
دنتو شلتو مع الرأفه أربعه
وعملوها الأسود ولاد شحاته
ويا جزاير خرجتى متقطعه
الحكم عشان دكر طرد تلاته
افتكروا التكسير مجدعه

كان لازمته ايه مكنا بالأدب ماشيين
لو متعصبتوش مكنش هيبقى الشكل مهين
وبدل البهدله اللى حصلت فى أنجولا
كان هيبقى ماتش عادى بين بلدين عربيين

عمرى ما فكرت يوم فى الانتقام
بس افتكر ان انتا اللـ بدأت
بدلت كل عروبه بينا وحب وسلام
بعصبيه وعلمى الغالى حرقت
ليه عيشت نفسك فالجهل والظلام
ونسيت ان لولايا كنت اتغرقت


كان لازمته ايه مكنا بالأدب ماشيين
لو متعصبتوش مكنش هيبقى الشكل مهين
وبدل البهدله اللى حصلت فى أنجولا
كان هيبقى ماتش عادى بين بلدين عربيين

منيش أنانى ولا هشمت مره فيك
بس حبيت اقوللك لنفسك فوق
صدقنى يخويا لو حطيت فإيديا إيديك
ومعانا كل عربى نبقى بجد فوق
أهو جه الوقت تضم ماضيا لماضيك
وبعظمة تاريخ جدودنا نرجع الشروق